Sá kjúklingur sem þótti skara fram úr í þessari úttekt, þó að afar naumt hafi verið á mununum, var hinn rómaði kjúklingur Melabúðarinnar við Hagamel.

Ég er kleyfhugi. Ég er óskaplega hrifinn af hreintungustefnu en nota óheyrilega mikið af slettum, jafnvel svo að líklegra er á köflum að Englendingur skilji mig en amma mín. Ég hef líka gert mig sekan um að kaupa tvær buxur, klæða mig í sundskýlur og fara á Selfoss. Mér finnst það væri praktískt að hætta þessari kostnaðarsömu tungumálavitleysu og útrýma öðrum tungumálum en enskunni. Samt þykir mér vænt um íslensku og þykir slæm tilhugsun ef börnin mín töluðu hana ekki. Líklega hittir bróðir minn naglann á höfuðið þegar hann segir að kjarni málsins sé hvort maður vandar sig eða ekki. Ég vona að ég vitni rétt í Þorstein Gylfason þegar ég segi “menntun – það er að vanda sig”.